Flores para Algernon

Título: Flores para Algernon Autor: Daniel Keyes [caption width=”200” align=”aligncenter”]portada portada[/caption]

Trátase do diario de Charly, un adulto con unha capacidade intelectual bastante por debaixo da media, onde nos vai contando toda a súa vida, o que lle acontece, cómo lle afecta, cómo se sente ao respecto. A razón de escribir un diario (Informe de Progresos) é que foi escollido para un tratamento experimental que intentará “facelo máis listo” e os conductores do experimento queren ver e documentar con este diario o xeito en que Charly progresa. Ou non.

Quén é Algernon?, é un “compañeiro” que comparte experimento.

Desde un principio resulta doado empatizar con Charly, pois ademáis da simpleza dos seus pensamentos, alégraste da progresiva melloría, case imperceptible para el, que amosa. Pero esta mellora nas súas capacidades trae adxuntas outras consecuencias: Charly empeza a comerse o coco. Charly sufre en semanas uns cambios que unha persona normal experimenta en anos, asumir esto resultalle dificil de asimilar.

É un libro de fácil lectura e queres seguir lendo para ver qué máis lle pasa a Charly e cómo pode resolver os seus problemas.

Esta novela gañou varios premios importantes de literatura de ciencia ficción, pero está ambientada de xeito case atemporal con poucas referencias xeográficas e menos aínda tecnolóxicas.