Onanismo (mental). Fartlek.
Def.: Onanismo
… aplicado ao caso, poderiamos mellor dicir que tiven unha ensoñación, un acto de vaidade mezclado con alegría.
Saín cedo, case de noite, a correr un pouquiño. Realmente non me apetecía, pero daban previsión de moita chuvia e vento, había dous días que non saía facer nada, tiña bo ánimo,… así que aproveitei e boteime fóra.
Case no último intre decidín que hoxe tocaba correr con cambios de ritmo ao chou, o que comunmente se chama fartlek. Mentalmente é moi agradecido este tipo de carreira, pois dache a libertade mental de facer o que che apetece, non é un adestramento extenuante (non soe ser unha sesión longa ou demasiado intensa) e acaba sendo moi entretido. Ademáis aprendes a sentir cómo reacciona o corpo ante os cambios de ritmo, en que punto te estás pasando de velocidade, cómo de fácil (ou non) recuperas tras cada esforzo, podes concentrarte na técnica, etc. Trátase de un adestramento moi completo, porque ademáis melloras a velocidade, forza e resistencia.
Visto así, por qué non facer fartlek tódolos días? Porque en realidade si que se trata de un adestramento esixente, poderiamos facelo uns cuantos días seguidos, pero iriamos acumulando un estrés de xeito innecesario. Moito mellor facelo de xeito recurrente pero espaciado entre as rutinas diarias.
Estando descansado e relaxado o fartlek é tamén moi agradecido mentalmente, e diso trata este artigo, do ben que te fai sentir.
Comezo con oito ou dez minutos de trote moi suave e aproveito unha pequeniña costa (100m?) para facer o primeiro cambio de ritmo, perceptible pero nin moito menos forte. Trátase de que o corpo aprenda e asimile. É moi importante facer os cambios de ritmo correndo con boa técnica, sentir cómo rebotan os pés hacia atrás, o torso dereito, a cadeira estable, os brazos con ritmo, mirada ao fronte, respiración controlada, … vaia!! aquí empeza a ensoñación!!
Crédito foto: Photo by Adi Goldstein, unsplash
A sesión de fartlek non é moi longa (uns 50’ no meu caso) polo que, sobre todo nos primeiros cambios de ritmo a sensación de ir cómodo e correndo ben -bonito- a unha velocidade relativamente alta son moi agradables. Veste a ti mesmo como un catrocentista, esos/as atletas con un estilazo, fortes e resistentes que flotan sobre a pista a velocidade de vértixe. Unha alucinación, a todas luces causada polas endorfinas, pero sin os efectos secundarios de outras sustancias.
Cando fas unha sesión de fartlek non hai que chegar ao punto de non ter forza. Trátase de mellorar técnica e resistencia e asimilar ambas, así incluso os últimos cambios de ritmo hai que facelos de xeito que manteñas a velocidade (alta) sin extenuarte, polo tanto acabas con sensación de ter podido correr máis tempo, máis forte ou con menos recuperación entre cambios de ritmo.
Fas sesións de fartlek durante os teus adestramentos? Cal é a túa experiencia ao respecto? Alucinas coma min? :D
Podes comentar este artigo utilizando a túa conta no fediverso, non precisas abrir unha conta en este servidor, aquí federamos!.
