ovos con chícharos e touciño

inspirada por Karlos Arguiñano

Ingredientes

• dous ovos
• un tomate grande
• dúas zanorias
• unha cebola pequena
• un dente de allo pequeno
• chícharos
• perexil
• aceite de oliva virxe extra
• touciño entrefebrado curado (ou fresco)
• sal

Preparación

Tempo de preparación: 1 hora

mais se mercas salsa de tomate de bote e cociñas os ovos metendo a tixola no forno en lugar de tapándoa entón nuns 20 minutos xa estaría feito.

Nunha pota poñemos a cocer os chícharos e a zanoria picada en dados moi pequeniños cunha pisca de sal. Deben cocer, pero non demasiado (sen que se desfagan) porque despois seguirán cocendo uns minutos.

Picamos o touciño miudiño e poñemolo a lume suave nunha tixola cunha culler de aceite de oliva virxe extra, cando esté dourada retiramos a sartén do lume.

Noutra tixola poñemos dúas culleradas de aceite de oliva virxe extra, picamos unha cebola pequena e un allo pequenos moi finamente, botámolos á tixola cunha poliña de perexil picado.

A lume lento pochamos todo e cando está a cebola un pouco feita engadímoslle tamén o tomate natural picado.

A lume suave deixamos que todo se convirta en salsa de tomate, salgamos ao gusto, poñendo tino en remexer con frecuencia e que non se pegue (lume suave!) ata que se desfaga e espese.

Á tixola do touciño engadímoslle os chícharos e zanorias cocidos e salteamos todo a lume vivo. Unha vez salteado engadímosllo á salsa de tomate, formando unha capa superior, sen remexer.

Abrimos os ovos poñendo coidado en que non rompa a xema e colocámolos enriba de todo o anterior, cun pistiño sal a cada ovo.

Tapamos ben a tixola e a lume moi suave deixamos facer os ovos ata que calla a clara ao gusto (uns 12 minutos).

bo xantar!

Podes comentar esta receita ou algunha historia sobre esta receita típica da cociña vasca respondendo a esta mensaxe e aparecerá aquí abaixo nos comentarios.