Colabora con OpenStreetMap (II)

Primeira Parte de Colabora con OpenStreetMap, onde xogamos con StreetComplete.

Editor Web “iD”

Manual básico do Editor iD

…e todas esas rutas gravadas polo teu reloxo ou dispositivo móbil?

Pódelas subir a OpenStreetMap de xeito público para que calquera poida editar o mapa grazas a ela; ou de xeito máis privado de forma que só ti poidas utilizala.

captura de iD editor

En calquera caso, unha vez subida, verás esa traza sobreimpresa no mapa (podendo escoller a imaxe de fondo) e a partir dela engadir novos tramos que non están nel ou información relevante.

Se utilizas unha aplicación libre para android para o rexistro de rutas, como FitoTrack (por exemplo) terás un ficheiro tipo .gpx para subir a OpenStreetMap

Captura de datos con fitotrack

FitoTrack no teu android

Se utilizas un reloxo con gps terás acceso tamén a este ficheiro directamente no dispositivo ou ben a través da aplicación (web, móbil,…) que o xestiona. É un ficheiro teu, non da empresa do trebello por moito que algunhas o agochen.

Outra alternativa libre para Android é Opentracks.

Exporta o ficheiro gravado

Unha vez tes o ficheiro gpx súbeo á túa conta en OpenStreetMap e

edítao na súa web

vídeo co proceso, con subtítulos.

  • subir ficheiro .gpx
  • entrar no editor
  • axustar/correxir a ruta aliñando os puntos ou engandindo elementos
  • gardar os cambios (arriba a dereita).

Trátase de ir debuxando co rato, guiándote pola traza gps que ti gravaches e engadir a información a través do menú e asistente no lateral esquerdo. Non tes que completar tódolos campos, só aqueles dos que coñezas o seu valor ou entendas o tipo de información que pide. En caso de dúbidas déixao sen completar (esto é o que probablemente despois pregunta StreetComplete.

Tamén podes elexir a opción “facer que alguén revise a miña edición”, para maior tranquilidade e evitar erros importantes.

Horas (ou días despois) esa información estará dispoñible de xeito libre para todo o mundo e ti terás mellores mapas para utilizar na zona en que realizas actividades.

Anímate a colaborar con OpenStreetMap.

Vídeo orixinal de Adam Franco


CC BY-SA

Comentarios

Utiliza a túa conta de Mastodon para / Use your Mastodon account comentar esta publicación.

Responder/Reply